മസ്തിഷ്കം

AK TIPS December 09, 2020 0

 

മസ്തിഷ്കം  സ്ഥിതിചെയ്യുന്ന അസ്ഥിനിർമിതമായ കപാലമാണ് ക്രേനിയം ( Cranium ). മസ്തിഷ്കത്തെ പൊതിഞ്ഞ് മൂന്നു പാളികളുണ്ട്. ഇവയാണ് മെനിൻജസ്. തലച്ചോറിനെ സംരക്ഷിക്കുകയും അതിലെ ലോമികകളിൽ നിന്ന് മസ്തിഷ്കകലകൾക്ക് ഓക്സിജനും പോഷണവും എത്തിക്കുകയുമാണ് മെനിൻജസിന്റെ ധർമം. പ്രായപൂർത്തിയായ ഒരാളുടെ തലച്ചോറിന്റെ ശരാശരി ഭാരം 1.5 കിലോഗ്രാമാണ്.

സെറിബ്രം

Also read :ഹൃദയം

മസ്തിഷ്കത്തിലെ ഏറ്റവും വലിയ ഭാഗം. ഉപരിതലത്തിൽ ധാരാളം ചുളിവുകളും മടക്കുകളുമുണ്ട് . ഇടതു, വലതു അർധഗോളങ്ങളെ കോർപ്പസ് കലോസം എന്ന നാഡീ പാളികൊണ്ട് ബന്ധിച്ചിരിക്കുന്നു. ഭാവന , ചിന്ത , ഓർമ, യുക്തിചിന്ത , കാഴ്ച , കേൾവി , ഗന്ധം , രുചി , സ്പർശം , ചൂട് എന്നിവയെല്ലാം സെറിബ്രവുമായി ബന്ധപ്പെട്ടുകിടക്കുന്നു. ഐച്ഛിക പ്രവർത്തനങ്ങളെ ( Voluntary ) നിയന്ത്രിക്കുന്നു.

സെറിബെല്ലം 

സെറിബ്രത്തിനു പിന്നിൽ രണ്ടു ദളങ്ങളായി കാണപ്പെടുന്നു. ഉപരിതലത്തിൽ ആഴത്തിലുള്ള ചാലുകളുണ്ട്. ശരീരത്തിന്റെ തുലനാവസ്ഥ നിലനിർത്തൽ , പേശീപ്രവർത്തനങ്ങളുടെ ഏകോപനം എന്നിവയാണ് പ്രധാന ധർമങ്ങൾ. 'ലിറ്റിൽ ബ്രെയിൻ' എന്നാണ് സെറിബെല്ലം അറിയപ്പെടുന്നത്.

മെഡുല്ല ഒബ്ലാംഗേറ്റ 

മസ്തിഷ്കത്തിന്റെ ഏറ്റവും ചുവട്ടിലെ ഭാഗം. ഇതിന്റെ തുടർച്ചയാണ് സുഷുമ്ന. ഹൃദയസ്പന്ദനം , ശ്വസനം , രക്തക്കുഴലുകളുടെ സങ്കോചം , ഛർദി , തുമ്മൽ , ചുമ തുടങ്ങിയ അനൈച്ഛികപ്രവർത്തനങ്ങളെ (Involuntary) നിയന്ത്രിക്കുന്നു.

Also read :കരൾ

തലാമസ് 

സെറിബ്രത്തിനു തൊട്ടുതാഴെ കാണുന്ന നാഡീകേന്ദ്രം നിദ്രാവേളയിൽ സെറിബ്രത്തിലേക്കുള്ള ആവേഗങ്ങളെ തടയുന്നു. വേദനാസംഹാരികൾ പ്രവർത്തിക്കുന്നത് തലാമസിലാണ് . ഇത് സെറിബ്രത്തിലേക്കുപോകുന്ന വേദനയുടെ ആവേഗങ്ങളെ തടയുന്നു.

ഹൈപ്പോതലാമസ് 

തലാമസിനു തൊട്ടുതാഴെയുള്ള ഈ ഭാഗത്താണ് പിയൂഷഗ്രന്ഥി (Pituitarygland)കൂടിച്ചേരുന്നത്. ശരീരോഷ്മാവ് , ജലത്തിന്റെ അളവ് എന്നിവ നിയന്ത്രിക്കുന്നു. പിയൂഷഗ്രന്ഥിയുടെ ഹോർമോൺ ഉൽപാദനത്തെ നിയന്ത്രിക്കുന്നു.ഓക്സിടോസിൻ , വാസോപ്രസിൻ എന്നീ ഹോർമോണുകൾ ഉൽപാദിപ്പിക്കുന്നു. 

Also read :വൃക്ക

ബ്രോക്കാസ് ഏരിയ 

 സംസാരഭാഷയ്ക്കുള്ള , തലച്ചോറിലെ പ്രത്യേക കേന്ദ്രമാണ് ബ്രോക്കാസ് ഏരിയ  ( Broca's area ). 

സുഷുമ്ന ( Spinalcord )

മെഡുല്ല ഒബ്ലാംഗേറ്റയുടെ തുടർച്ചയായ ഭാഗം. നട്ടെല്ലിനുള്ളിൽ കാണപ്പെടുന്നു. സുഷുമ്നയ്ക്കും മെനിൻജസ് ആവരണമുണ്ട്. സുഷുമ്നയിൽ നിന്ന് 31 ജോഡി നാഡികൾ ഉത്ഭവിക്കുന്നു. റിഫ്ളക്സ് പ്രവർത്തനങ്ങളെ ഏകോപിപ്പിക്കുന്നതിൽ സുഷുമ്ന മുഖ്യ പങ്ക് വഹിക്കുന്നു. ശരാശരി 43-45 സെ.മീ. ആണ് സുഷുമ്നയുടെ നീളം.

വെർണിക്ക് ഏരിയ( Wernike's area )  

കണ്ടു പരിചയിച്ച വസ്തുവിന്റെ പേര് കേട്ടാൽ അതിന്റെ ചിത്രം മനസ്സിൽ തെളിയും. സെറിബ്രത്തിന്റെ ഒരു പ്രത്യേക ഭാഗമാണ് ഈ കഴിവിന് ആധാരം. ഈ ഭാഗമാണ് വെർണിക്ക് ഏരിയ.